Iñupiallu Tanŋiḷḷu Uqaluŋisa Iḷaŋich

From Wikipedia

Iñupiallu Tanŋiḷḷu Uqaluŋisa Iḷaŋich (Naluaġmiutun: Abridged Inupiaq and English Dictionary) uqaluruq Paniattaam.

Uqallallaqqaaġun[edit | edit source]

"Isummatigivlugi Iñupiatun uqallasisukłutiŋ iḷisaqtuat, ukua maqpiġaat taiñiqaqtuat Iñupiallu Tanŋiḷḷu Uqaluŋisa Iḷaŋich savaagurut. Innasiñiik maqpiġaaqaġurraqsiŋarut iḷisaqtuat taimaŋŋa 1970-miñ isagutisaqsimammata Iñupiatun miŋuaqtuqtuat Utqiaġviŋñi, aasiisuli maani Iñupiatun iḷisaqtuat University of Alaska-mi 1971 miñqaŋa. Ukua maqpiġaat naatkaptigiŋ atuġumiñaqsivḷugich iḷisaqtuanun quviasuutigigivut uvagut Alaska Native Language Center-mi savaktuanii.

Ukua maqpiġaat piŋasunik avgutiqaqtut. Sivulliq avgun imaqaqtuq Iñupiat uqaluŋisa maŋŋuŋiññik taniktun mumiŋaraanik. Qitiqłiġmiasii avgunmi Iñupiat uqaluŋisa akunniġutiŋich taniktun mumiŋaraat ittut. Aasiiḷi aqulligmi avgunmi tanŋich uqaluŋich Iñupiaqsiŋaraat inmiut.

Samma miksraułługu 3400 lñupiat uqaluŋisa maŋŋuŋich maqpiġaamiittuat iñugiaktigirut, aasiisuli tainnatun iñugiaktigiruanik tanŋich uqaluŋiñik imaqaġmiuq. Iñupiat uqaluŋisa akunniġutiŋich ukunani maqpiġaani ittuat 162-gurut.

Ukua maqpiġaat samma imaŋi iñugiaktigirut qaaŋiurallaksiññaqługu piŋayutun aktigiruaq imaksrautiŋisa aŋilhaaġniaqtuat maqpiġaat Iñupiat uqaluŋisigun savaaġirapta paŋmapak Alaska Native Language Center-mi, University of Alaska-mi. Aŋiłhaaġniaqtuat maqpiġaat samma ukiumi 1983-mi naanŋaniaqtut.

Quyanaaġukkikka uvva Larry Kaplan-lu Marie Jane Kayutak Kasak-lu aglaamnik taiguaqłutik iluagmaġaaqłiimmaŋnik. Uvvaaglaan quyanaalluataġukkiga Marie Jane Kayutak Kasak aglautitalluataġmagi maqpiġaat."

Uuyut[edit | edit source]